พระสุตันตปิฎกบาลี: 19/140/510 511 512 513 514 515
สุตฺตนฺตปิฏเก สํยุตฺตนิกายสฺส มหาวารวคฺโค
ภิกฺขุ สตฺตนฺนํ โพชฺฌงฺคานํ อภาวิตตฺตา อพหุลีกตตฺตา ทุปฺปญฺโญ
เอฬมูโคติ วุจฺจตีติ ฯ
[๕๑๐] สาวตฺถี ฯ ปญฺญวา อเนฬมูโค ปญฺญวา อเนฬมูโคติ
ภนฺเต วุจฺจติ กิตฺตาวตา นุ โข ภนฺเต ปญฺญวา อเนฬมูโคติ
วุจฺจตีติ ฯ
[๕๑๑] สตฺตนฺนํ โข ภิกฺขุ โพชฺฌงฺคานํ ภาวิตตฺตา พหุลีกตตฺตา
ปญฺญวา อเนฬมูโคติ วุจฺจติ ฯ กตเมสํ สตฺตนฺนํ ฯ
สติสมฺโพชฺฌงฺคสฺส ฯเปฯ อุเปกฺขาสมฺโพชฺฌงฺคสฺส ฯ อิเมสํ โข
ภิกฺขุ สตฺตนฺนํ โพชฺฌงฺคานํ ภาวิตตฺตา พหุลีกตตฺตา ปญฺญวา
อเนฬมูโคติ วุจฺจตีติ ฯ
[๕๑๒] สาวตฺถีนิทานํ ฯ ทฬิทฺโท ทฬิทฺโทติ ภนฺเต วุจฺจติ
กิตฺตาวตา นุ โข ภนฺเต ทฬิทฺโทติ วุจฺจตีติ ฯ
[๕๑๓] สตฺตนฺนํ โข ภิกฺขุ โพชฺฌงฺคานํ อภาวิตตฺตา
อพหุลีกตตฺตา ทฬิทฺโทติ วุจฺจติ ฯ กตเมสํ สตฺตนฺนํ ฯ สติสมฺโพชฺฌงฺคสฺส
ฯเปฯ อุเปกฺขาสมฺโพชฺฌงฺคสฺส ฯ อิเมสํ โข ภิกฺขุ
สตฺตนฺนํ โพชฺฌงฺคานํ อภาวิตตฺตา อพหุลีกตตฺตา ทฬิทฺโทติ วุจฺจตีติ ฯ
[๕๑๔] สาวตฺถีนิทานํ ฯ อทฬิทฺโท อทฬิทฺโทติ ภนฺเต วุจฺจติ
กิตฺตาวตา นุ โข ภนฺเต อทฬิทฺโทติ วุจฺจตีติ ฯ
[๕๑๕] สตฺตนฺนํ โข ภิกฺขุ โพชฺฌงฺคานํ ภาวิตตฺตา พหุลี-
กตตฺตา อทฬิทฺโทติ วุจฺจติ ฯ กตเมสํ สตฺตนฺนํ ฯ สติ-
