อิตฺถํ สุทํ อายสฺมา สตรํสิโย ๑ เถโร อิมา คาถาโย อภาสิตฺถาติ ฯ สตรํสิยตฺเถรสฺส อปทานํ สมตฺตํ ฯ ตติยํ สยนทายกตฺเถราปทานํ (๕๓)

---

[๕๕] ปทุมุตฺตรพุทฺธสฺส สพฺพโลกานุกมฺปิโน สยนํ ตสฺส ปาทาสึ วิปฺปสนฺเนน เจตสา ฯ เตน สยนทาเนน สุเขตฺเต วีชสมฺปทา โภโค นิพฺพตฺตเต ตสฺส ๒ สยนสฺส อิทํ ผลํ ฯ อากาเส เสยฺยํ กปฺเปมิ ธาเรมิ ปฐวึ อิมํ ปาเณสุ เม อิสฺสริยํ สยนสฺส อิทํ ผลํ ฯ ปญฺจกปฺปสหสฺสมฺหิ อฏฺฐ อาสุํ มหาวิรา ๓ จตุตฺตึเส กปฺปสเต จตุโรว มหพฺพลา ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สยนทายโก เถโร อิมา คาถาโย อภาสิตฺถาติ ฯ สยนทายกตฺเถรสฺส อปทานํ สมตฺตํ ฯ #๑ ม. สตรํสิ ฯ ๒ ม. โภคา นิพฺพตฺตเร ตสฺส ฯ ๓ ม. มหาเตชา ฯ