สมฺปตฺตึ อนุโภตฺวาน สุกฺกมูเลน โจทิโต โคตมสฺส ภควโต สาสเนภิรมิสฺสติ ฯ ปธานํ ปหิตตฺโตมฺหิ อุปสนฺโต นิรูปธิ ธาเรมิ อนฺติมํ เทหํ สมฺมาสมฺพุทฺธสาสเน ฯ เอกปญฺญาสสหสฺเส กปฺเป อุคฺคตสวฺหยา ๑ ปญฺญาสสหสฺเส จมุโน ขตฺติยา เขมสวฺหยา ๒ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ธชทายโก เถโร อิมา คาถาโย อภาสิตฺถาติ ฯ ธชทายกตฺเถรสฺส อปทานํ สมตฺตํ ฯ นวมํ ปทุมตฺเถราปทานํ (๕๙)

---

[๖๑] จตุสจฺจํ ปกาเสนฺโต วรธมฺมํ ปวตฺตโก ๓ วสฺสเต อมตํ วุฏฺฐึ นิพฺพาเปนฺโต มหาชนํ ฯ สธชํ ปทุมํ คยฺห อฑฺฒโกเส ฐิโต อหํ ปทุมุตฺตรมุนิสฺส หฏฺโฐ ๕ อุกฺขิปิมมฺพเร ฯ อาคจฺฉนฺเต จ ปทุเม อพฺภูโต อาสิ ตาวเท มม สงฺกปฺปมญฺญาย ปคฺคณฺหิ วทตํ วโร ฯ #๑ ม. ยุ. อุคฺคตสวฺหโย ฯ ๒ ม. ยุ. ปญฺญาสสตสหสฺเส ขตฺติโย เมฆสวฺหโย ฯ #๓ ยุ. วรธมฺมจกฺกปวตฺติโก ฯ ๔ ม. ปหฏฺโฐ ฯ