พระสุตันตปิฎกบาลี: 30/161/324 325 326 327
สุตฺตนฺตปิฏเก ขุทฺทกนิกายสฺส จูฬนิทฺเทโส
เหมกมาณวกปญฺหานิทฺเทโส
[๓๒๔] เยเม ปุพฺเพ วิยากํสุ (อิจฺจายสฺมา เหมโก)
หุรํ โคตมสาสนา
อิจฺจาสิ อิติ ภวิสฺสติ
สพฺพนฺตํ อิติหีติหํ
สพฺพนฺตํ ตกฺกวฑฺฒนํ
นาหํ ตตฺถ อภิรมึ ฯ
[๓๒๕] เยเม ปุพฺเพ วิยากํสูติ เยติ โย จ พาวรี พฺราหฺมโณ
เย จญฺเญ ตสฺส อาจริยา เต สกํ ทิฏฺฐึ สกํ ขนฺตึ สกํ รุจึ
สกํ ลทฺธึ สกํ อชฺฌาสยํ สกํ อธิปฺปายํ พฺยากรึสุ ๑ อาจิกฺขึสุ
เทสยึสุ ปญฺญปึสุ ปฏฺฐปึสุ วิวรึสุ วิภชึสุ อุตฺตานีมกํสุ ปกาเสสุนฺติ
เยเม ปุพฺเพ วิยากํสุ ฯ อิจฺจายสฺมา เหมโกติ อิจฺจาติ
ปทสนฺธิ ฯเปฯ ปทานุปุพฺพกเมตํ อิจฺจาติ ฯ อายสฺมาติ ปิยวจนํ
ครุวจนํ สคารวสปฺปติสฺสาธิวจนเมตํ อายสฺมาติ ฯ เหมโกติ
นามํ ฯเปฯ อภิลาโปติ อิจฺจายสฺมา เหมโก ฯ
[๓๒๖] หุรํ โคตมสาสนาติ หุรํ โคตมสาสนา ปรํ โคตมสาสนา
ปุเร โคตมสาสนา ปฐมตรํ โคตมสาสนา พุทฺธสาสนา ชินสาสนา
ตถาคตสาสนา อรหนฺตสาสนาติ หุรํ โคตมสาสนา ฯ
[๓๒๗] อิจฺจาสิ อิติ ภวิสฺสตีติ เอวํ กิร อสิ เอวํ กิร
#๑ ม. พฺยากํสุ ฯ
