สุคตึ วชติ ตตฺถ โมทติ ลกฺขณานิ จ ทุเว อิธาคโต อุตฺตมสุขตาย ๑ วินฺทติ ๒ ฯ อุพฺภมุปฺปติตโลมวา สโส ปาทคณฺฐิรหุ สาธุ สณฺฐิตา มํสโลหิตาจิตา ตโจตฺถฏา ๓ อุปริชานุ โสภนา ๔ อหุ ฯ เคหมาวสติ เจ ตถาวิโธ อคฺคตํ วชติ กามโภคินํ เตน อุตฺตริตรญฺจ ๕ น วิชฺชติ ชมฺพุทีปํ อภิภุยฺย อิริยติ ๖ ฯ ปพฺพชฺชาปิ จ ๗ อโนมนิกฺกโม อคฺคตํ วชติ สพฺพปาณินํ เตน อุตฺตริตโร น วิชฺชติ สพฺพโลกํ อภิภุยฺย วิหรตีติ ฯ

---

[๑๔๔] ยํปิ ภิกฺขเว ตถาคโต ปุริมํ ชาตึ ปุริมํ ภวํ ปุริมํ นิเกตํ ปุพฺเพ มนุสฺสภูโต สมาโน สกฺกจฺจํ วาเจตา อโหสิ สิปฺปํ วา วิชฺชํ วา จรณํ วา กมฺมํ วา กินฺตีเม ขิปฺปํ ๘ วิชาเนยฺยุํ ขิปฺปํ สมฺปฏิปชฺเชยฺยุํ น จิรํ กิลิเสยฺยุนฺติ ฯ โส ตสฺส กมฺมสฺส กตตฺตา อุปจิตตฺตา ฯเปฯ โส ตโต จุโต อิตฺถตฺตํ อาคโต #๑ ม. อุตฺตมปฺปมุขตาย ฯ ๒ ยุ. อุตฺตมสุขานิ สํวินฺทติ ฯ ๓ ยุ. ตโจตตา ฯ #๔ ม. อุปริจรณโสภนา ฯ ยุ. อุปริ จ ปน โสภนา ฯ ๕ ม. ยุ. อุตฺตริตโร ฯ #๖ ยุ. อิรียติ ฯ ๗ ม. ยุ. ปพฺพชฺชมฺปิ จ ฯ ๘ ยุ. อชาเนยฺยุํ ฯ