โอภาสติ ๑ ตาว โส กิมิ ยาว น อุณฺณติ ๒ ปภงฺกโร วิโรจนมฺหิ ๓ อุคฺคเต หตปฺปโภ โหติ น จาปิ ภาสติ ฯ เอวํ โอภาสิตเมว ติตฺถิยานํ ๔ ยาว สมฺมาสมฺพุทฺธา โลเก นุปฺปชฺชนฺติ น ตกฺกิกา สุชฺฌนฺติ น จาปิ สาวกา ทุทฺทิฏฺฐี น ทุกฺขา ปมุญฺจเรติ ๕ ฯ ทสมํ ฯ ชจฺจนฺธวคฺโค ฉฏฺโฐ ฯ ตสฺสุทฺทานํ อายุสมโอสฺสชฺชนํ ปฏิสลฺลา อาหุ ตญฺจ กิร ติตฺถา สตฺตมมาหุ สุภูตึ คณิกา อุปาติ นวโม อุปฺปชฺชนฺติ จ เต ทสาติ ฯ _______________ อุทาเน สตฺตโม จูฬวคฺโค

---

[๑๔๗] ๑ เอวมฺเม สุตํ ฯ เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม ฯ เตน โข ปน สมเยน อายสฺมา สารีปุตฺโต อายสฺมนฺตํ ลกุณฺฐกภทฺทิยํ อเนกปริยาเยน ธมฺมิยา กถาย สนฺทสฺเสติ สมาทเปติ สมุตฺเตเชติ สมฺปหํเสติ ฯ #๑ โป. โอภาสติ ตายํ ตาว โส ฯ ๒ โป. อุณฺณปติ ฯ ม. อุณฺณเต ฯ ยุ. อุณฺณมติ ฯ #๓ โป. ม. เวโรจนมฺหิ ฯ ๔ โป. ตกฺกิยานํ ฯ ม. ตกฺกิกานํ ฯ ๕ ม. ยุ. ปมุจฺจเรติ ฯ