สมฺปชานมุสา ภณนฺตสฺส ปฏิวิชานนฺตสฺส อาปตฺติ ถุลฺลจฺจยสฺส น ปฏิวิชานนฺตสฺส อาปตฺติ ทุกฺกฏสฺส ปุพฺเพ วสฺส โหติ มุสา ภณิสฺสนฺติ ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ วินิธาย ทิฏฺฐึ วินิธาย ขนฺตึ วินิธาย รุจึ วินิธาย ภาวํ ฯ ตีหากาเรหิ โย เต วิหาเร วสิ โส ภิกฺขุ สุญฺญาคาเร ปฐมํ ฌานํ ทุติยํ ฌานํ ตติยํ ฌานํ จตุตฺถํ ฌานํ สมาปชฺชิ สมาปชฺชติ สมาปนฺโน โส ภิกฺขุ สุญฺญาคาเร จตุตฺถสฺส ฌานสฺส ลาภี วสี เตน ภิกฺขุนา สุญฺญาคาเร จตุตฺถํ ฌานํ สจฺฉิกตนฺติ สมฺปชานมุสา ภณนฺตสฺส ปฏิวิชานนฺตสฺส อาปตฺติ ถุลฺลจฺจยสฺส น ปฏิวิชานนฺตสฺส อาปตฺติ ทุกฺกฏสฺส ปุพฺเพ วสฺส โหติ มุสา ภณิสฺสนฺติ ภณนฺตสฺส โหติ มุสา ภณามีติ ภณิตสฺส โหติ มุสา มยา ภณิตนฺติ วินิธาย ทิฏฺฐึ วินิธาย ขนฺตึ วินิธาย รุจึ วินิธาย ภาวํ ๑ฯ #๑ อิโต ปรํ เตสุ เตสุ โปตฺถเกสุ นานตฺตํ โหติ ฯ ตตฺถ อมฺหากํ #โปตฺถเก ตาว ปณฺณรสปิ คมนานิ เอวํ กาตพฺพานีติ ปญฺญายติ ฯ #ยุ. ม. โปตฺถเกสุ เปยฺยาลปณฺณรสคมนานิ เอวเมว วิตฺถาเรตพฺพานีติ ฯ #รามญฺญโปตฺถเก ปน น กิญฺจิ ทิสฺสติ ฯ ตํ ยุตฺตํ ฯ กสฺมา ฯ #ตพฺพณฺณนายํ โย เต วิหาเร วสีติ วาเรน สทฺธึ เปยฺยาล- #ปณฺณรสกสฺส ทสฺสิตตฺตา ฯ อิทํ ปน รามญฺญโปตฺถกํ อนุวตฺติตฺวา #โสธิตนฺติ เวทิตพฺพํ ฯ