พระสุตันตปิฎกบาลี: 19/22/59 60 61 62 63 64 65 66
สุตฺตนฺตปิฏเก สํยุตฺตนิกายสฺส มหาวารวคฺโค
มิจฺฉตฺตวคฺโค ตติโย
[๕๙] สาวตฺถีนิทานํ ฯ มิจฺฉตฺตญฺจ โว ภิกฺขเว เทเสสฺสามิ
สมฺมตฺตญฺจ ตํ สุณาถ ฯ
[๖๐] กตมญฺจ ภิกฺขเว มิจฺฉตฺตํ ฯ เสยฺยถีทํ ฯ มิจฺฉาทิฏฺฐิ
ฯเปฯ มิจฺฉาสมาธิ ฯ อิทํ วุจฺจติ ภิกฺขเว มิจฺฉตฺตํ ฯ
[๖๑] กตมญฺจ ภิกฺขเว สมฺมตฺตํ ฯ เสยฺยถีทํ ฯ สมฺมาทิฏฺฐิ
ฯเปฯ สมฺมาสมาธิ ฯ อิทํ วุจฺจติ ภิกฺขเว สมฺมตฺตนฺติ ฯ
[๖๒] สาวตฺถีนิทานํ ฯ อกุสเล จ โว ภิกฺขเว ธมฺเม เทสิสฺสามิ
กุสเล จ ธมฺเม ตํ สุณาถ ฯ
[๖๓] กตเม จ ภิกฺขเว อกุสลา ธมฺมา ฯ เสยฺยถีทํ ฯ
มิจฺฉาทิฏฺฐิ ฯเปฯ มิจฺฉาสมาธิ ฯ อิเม วุจฺจนฺติ ภิกฺขเว อกุสลา
ธมฺมา ฯ
[๖๔] กตเม จ ภิกฺขเว กุสลา ธมฺมา ฯ เสยฺยถีทํ ฯ
สมฺมาทิฏฺฐิ ฯเปฯ สมฺมาสมาธิ ฯ อิเม วุจฺจนฺติ ภิกฺขเว กุสลา
ธมฺมาติ ฯ
[๖๕] สาวตฺถีนทานํ ฯ มิจฺฉาปฏิปทญฺจ โว ภิกฺขเว เทเสสฺสามิ
สมฺมาปฏิปทญฺจ ตํ สุณาถ ฯ
[๖๖] กตมา จ ภิกฺขเว มิจฺฉาปฏิปทา ฯ เสยฺยถีทํ ฯ มิจฺฉาทิฏฺฐิ
ฯเปฯ มิจฺฉาสมาธิ ฯ อยํ วุจฺจติ ภิกฺขเว มิจฺฉาปฏิปทา ฯ
