ทิเสสสฺส ฯ ปีตกํ โลหิตกํ โอทาตํ ตกฺกวณฺณํ ทกวณฺณํ เตลวณฺณํ ขีรวณฺณํ ทธิวณฺณํ สปฺปิวณฺณํ เจเตติ อุปกฺกมติ มุจฺจติ อาปตฺติ สงฺฆาทิเสสสฺส ฯ สุทฺธิกํ นิฏฺฐิตํ ฯ

---

[๓๐๗] อาโรคฺยตฺถญฺจ สุขตฺถญฺจ เจเตติ อุปกฺกมติ มุจฺจติ อาปตฺติ สงฺฆาทิเสสสฺส ฯ อาโรคฺยตฺถญฺจ เภสชฺชตฺถญฺจ ฯ อาโรคฺยตฺถญฺจ ทานตฺถญฺจ ฯ อาโรคฺยตฺถญฺจ ปุญฺญตฺถญฺจ ฯ อาโรคฺยตฺถญฺจ ยญฺญตฺถญฺจ ฯ อาโรคฺยตฺถญฺจ สคฺคตฺถญฺจ ฯ อาโรคฺยตฺถญฺจ วีชตฺถญฺจ ฯ อาโรคฺยตฺถญฺจ วีมํสตฺถญฺจ ฯ อาโรคฺยตฺถญฺจ ทวตฺถญฺจ เจเตติ อุปกฺกมติ มุจฺจติ อาปตฺติ สงฺฆาทิเสสสฺส ฯ เอกมูลํ ๑ขณฺฑจกฺกํ นิฏฺฐิตํ ฯ

---

[๓๐๘] สุขตฺถญฺจ เภสชฺชตฺถญฺจ เจเตติ อุปกฺกมติ มุจฺจติ อาปตฺติ สงฺฆาทิเสสสฺส ฯ สุขตฺถญฺจ ทานตฺถญฺจ ฯ สุขตฺถญฺจ ปุญฺญตฺถญฺจ ฯ สุขตฺถญฺจ ยญฺญตฺถญฺจ ฯ สุขตฺถญฺจ สคฺคตฺถญฺจ ฯ สุขตฺถญฺจ วีชตฺถญฺจ ฯ สุขตฺถญฺจ วีมํสตฺถญฺจ ฯ สุขตฺถญฺจ ทวตฺถญฺจ เจเตติ อุปกฺกมติ มุจฺจติ อาปตฺติ สงฺฆาทิเสสสฺส ฯ สุขตฺถญฺจ อาโรคฺยตฺถญฺจ เจเตติ อุปกฺกมติ มุจฺจติ อาปตฺติ สงฺฆาทิเสสสฺส ฯ #๑ ยุ. ม. เอกมูลกสฺส ฯ