พระสุตันตปิฎกบาลี: 17/241/384 385 386
สุตฺตนฺตปิฏเก สํยุตฺตนิกายสฺส ขนฺธวารวคฺโค
ภควนฺตํ เอตทโวจ อนตฺตา อนตฺตาติ ภนฺเต วุจฺจติ กตโม
นุ โข ภนฺเต อนตฺตาติ ฯ รูปํ โข ราธ อนตฺตา เวทนา อนตฺตา
สญฺญา อนตฺตา สงฺขารา อนตฺตา วิญฺญาณํ อนตฺตา ๑ ฯ เอวํ
ปสฺสํ ฯเปฯ นาปรํ อิตฺถตฺตายาติ ปชานาตีติ ฯ
[๓๘๔] สาวตฺถี ฯ เอกมนฺตํ นิสินฺโน โข อายสฺมา ราโธ
ภควนฺตํ เอตทโวจ อนตฺตธมฺโม อนตฺตธมฺโมติ ภนฺเต วุจฺจติ
กตโม นุ โข ภนฺเต อนตฺตธมฺโมติ ฯ รูปํ โข ราธ อนตฺตธมฺโม
เวทนา อนตฺตธมฺโม สญฺญา อนตฺตธมฺโม สงฺขารา
อนตฺตธมฺโม วิญฺญาณํ อนตฺตธมฺโม ฯ เอวํ ปสฺสํ ฯเปฯ
นาปรํ อิตฺถตฺตายาติ ปชานาตีติ ฯ
[๓๘๕] สาวตฺถี ฯ เอกมนฺตํ นิสินฺโน โข อายสฺมา ราโธ
ภควนฺตํ เอตทโวจ ขยธมฺโม ขยธมฺโมติ ภนฺเต วุจฺจติ กตโม
นุ โข ภนฺเต ขยธมฺโมติ ฯ รูปํ โข ราธ ขยธมฺโม เวทนา
ขยธมฺโม สญฺญา ขยธมฺโม สงฺขารา ขยธมฺโม วิญฺญาณํ
ขยธมฺโม ฯ เอวํ ปสฺสํ ฯเปฯ นาปรํ อิตฺถตฺตายาติ ปชานาตีติ ฯ
[๓๘๖] สาวตฺถี ฯ เอกมนฺตํ นิสินฺโน โข อายสฺมา ราโธ
ภควนฺตํ เอตทโวจ วยธมฺโม วยธมฺโมติ ภนฺเต วุจฺจติ กตโม
นุ โข ภนฺเต วยธมฺโมติ ฯ รูปํ โข ราธ วยธมฺโม เวทนา
วยธมฺโม สญฺญา วยธมฺโม สงฺขารา วยธมฺโม วิญฺญาณํ
วยธมฺโม ฯ เอวํ ปสฺสํ ฯเปฯ นาปรํ อิตฺถตฺตายาติ ปชานาตีติ ฯ
#๑ ยุ. อนตฺตาติ ฯ
