---

[๓๘๗] สาวตฺถี ฯ เอกมนฺตํ นิสินฺโน โข อายสฺมา ราโธ ภควนฺตํ เอตทโวจ สมุทยธมฺโม สมุทยธมฺโมติ ภนฺเต วุจฺจติ กตโม นุ โข ภนฺเต สมุทยธมฺโมติ ฯ รูปํ โข ราธ สมุทยธมฺโม เวทนา สมุทยธมฺโม สญฺญา สมุทยธมฺโม สงฺขารา สมุทยธมฺโม วิญฺญาณํ สมุทยธมฺโม ฯ เอวํ ปสฺสํ ฯเปฯ นาปรํ อิตฺถตฺตายาติ ปชานาตีติ ฯ

---

[๓๘๘] สาวตฺถี ฯ อถ โข อายสฺมา ราโธ เยน ภควา เตนุปสงฺกมิ อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ เอกมนฺตํ นิสินฺโน โข อายสฺมา ราโธ ภควนฺตํ เอตทโวจ นิโรธธมฺโม นิโรธธมฺโมติ ภนฺเต วุจฺจติ กตโม นุ โข ภนฺเต นิโรธธมฺโมติ ฯ รูปํ โข ราธ นิโรธธมฺโม เวทนา ฯ สญฺญา ฯ สงฺขารา นิโรธธมฺโม วิญฺญาณํ นิโรธธมฺโม ฯ เอวํ ปสฺสํ ฯเปฯ นาปรํ อิตฺถตฺตายาติ ปชานาตีติ ฯ ทุติโย วคฺโค ฯ ตสฺสุทฺทานํ มาโร จ มารธมฺโม จ อนิจฺเจหิ ๑ อปเร ทุเว ทุกฺเขหิ ๒ จ เทฺว วุตฺตา อนตฺเตหิ ๓ ตเถว จ ๔ ขยวยสมุทยํ นิโรธธมฺเมน ทฺวาทสาติ ฯ ______________ #๑ ม. อนิจฺเจน ฯ ๒ ม. ทุกฺเขน ฯ ๓ ม. อนตฺเตน ฯ ๔ สี. อปเร เทฺว ฯ