พระสุตันตปิฎกบาลี: 19/244/812 813 814 815
สุตฺตนฺตปิฏเก สํยุตฺตนิกายสฺส มหาวารวคฺโค
ปริญฺญาตตฺตา อมตํ สจฺฉิกตํ โหติ ฯ
[๘๑๒] จิตฺเต จิตฺตานุปสฺสี วิหรติ อาตาปี สมฺปชาโน สติมา
วิเนยฺย โลเก อภิชฺฌาโทมนสฺสํ ฯ ตสฺส จิตฺเต จิตฺตานุปสฺสิโน
วิหรโต จิตฺตํ ปริญฺญาตํ โหติ จิตฺตสฺส ปริญฺญาตตฺตา อมตํ
สจฺฉิกตํ โหติ ฯ
[๘๑๓] ธมฺเมสุ ธมฺมานุปสฺสี วิหรติ อาตาปี สมฺปชาโน สติมา
วิเนยฺย โลเก อภิชฺฌาโทมนสฺสํ ฯ ตสฺส ธมฺเมสุ ธมฺมานุปสฺสิโน
วิหรโต ธมฺมา ปริญฺญาตา โหนฺติ ธมฺมานํ ปริญฺญาตตฺตา อมตํ
สจฺฉิกตํ โหตีติ ฯ
[๘๑๔] จตุนฺนํ ภิกฺขเว สติปฏฺฐานานํ ภาวนํ เทสิสฺสามิ ตํ
สุณาถ ฯ กตมา ภิกฺขเว จตุนฺนํ สติปฏฺฐานานํ ภาวนา ฯ อิธ
ภิกฺขเว ภิกฺขุ กาเย กายานุปสฺสี วิหรติ อาตาปี สมฺปชาโน สติมา
วิเนยฺย โลเก อภิชฺฌาโทมนสฺสํ ฯ เวทนาสุ จิตฺเต ธมฺเมสุ ธมฺมานุปสฺสี
วิหรติ อาตาปี สมฺปชาโน สติมา วิเนยฺย โลเก อภิชฺฌาโทมนสฺสํ ฯ
อยํ โข ภิกฺขเว จตุนฺนํ สติปฏฺฐานานํ ภาวนาติ ฯ
[๘๑๕] สติปฏฺฐานญฺจ โว ภิกฺขเว เทสิสฺสามิ สติปฏฺฐานภาวนญฺจ
สติปฏฺฐานภาวนาคามินิญฺจ ปฏิปทํ ตํ สุณาถ ฯ
กตมญฺจ ภิกฺขเว สติปฏฺฐานํ ฯ อิธ ภิกฺขเว ภิกฺขุ กาเย
กายานุปสฺสี วิหรติ อาตาปี สมฺปชาโน สติมา วิเนยฺย โลเก
อภิชฺฌาโทมนสฺสํ ฯ เวทนาสุ จิตฺเต ธมฺเมสุ ธมฺมานุปสฺสี วิหรติ
