พระสุตันตปิฎกบาลี: 17/288/499 500 501
สุตฺตนฺตปิฏเก สํยุตฺตนิกายสฺส ขนฺธวารวคฺโค
กิเลสสํยุตฺตํ
[๔๙๙] สาวตฺถี ฯ โย ภิกฺขเว จกฺขุสฺมึ ฉนฺทราโค จิตฺตสฺเสโส
อุปกฺกิเลโส โย โสตสฺมึ ฉนฺทราโค จิตฺตสฺเสโส อุปกฺกิเลโส โย
ฆานสฺมึ ฉนฺทราโค จิตฺตสฺเสโส อุปกฺกิเลโส โย ชิวฺหาย ฉนฺทราโค
จิตฺตสฺเสโส อุปกฺกิเลโส โย กายสฺมึ ฉนฺทราโค จิตฺตสฺเสโส
อุปกฺกิเลโส โย มนสฺมึ ฉนฺทราโค จิตฺตสฺเสโส อุปกฺกิเลโส ฯ
ยโต โข ภิกฺขเว ภิกฺขุโน อิเมสุ ฉสุ ฐาเนสุ เจตโส อุปกฺกิเลโส
ปหีโน โหติ เนกฺขมฺมนินฺนํ จสฺส จิตฺตํ โหติ เนกฺขมฺมปริภาวิตํ
จิตฺตํ กมฺมนิยํ ขายติ อภิญฺญา สจฺฉิกรณีเยสุ ธมฺเมสูติ ฯ
[๕๐๐] สาวตฺถี ฯ โย ภิกฺขเว รูเปสุ ฉนฺทราโค จิตฺตสฺเสโส
อุปกฺกิเลโส โย สทฺเทสุ ฯ โย คนฺเธสุ ฯ โย รเสสุ ฯ โย
โผฏฺฐพฺเพสุ ฯ โย ธมฺเมสุ ฉนฺทราโค จิตฺตสฺเสโส อุปกฺกิเลโส ฯ
ยโต โข ภิกฺขเว ภิกฺขุโน อิเมสุ ฉสุ ฐาเนสุ เจตโส อุปกฺกิเลโส
ปหีโน โหติ เนกฺขมฺมนินฺนํ จสฺส จิตฺตํ โหติ เนกฺขมฺมปริภาวิตํ
จิตฺตํ กมฺมนิยํ ขายติ อภิญฺญา สจฺฉิกรณีเยสุ ธมฺเมสูติ ฯ
[๕๐๑] สาวตฺถี ฯ โย ภิกฺขเว จกฺขุสมฺผสฺสสฺมึ ฉนฺทราโค
จิตฺตสฺเสโส อุปกฺกิเลโส โย โสตสมฺผสฺสสฺมึ ฯ โย ฆานสมฺผสฺสสฺมึ ฯ
โย ชิวฺหาสมฺผสฺสสฺมึ ฯ โย กายสมฺผสฺสสฺมึ ฯ
โย มโนสมฺผสฺสสฺมึ ฉนฺทราโค จิตฺตสฺเสโส อุปกฺกิเลโส ฯ ยโต
