พระสุตันตปิฎกบาลี: 22/302/255 256 257
สุตฺตนฺตปิฏเก องฺคุตฺตรนิกายสฺส ปญฺจกฉกฺกนิปาตา
อิมานิ โข ภิกฺขเว ปญฺจ มจฺฉริยานิ อิเมสํ โข ภิกฺขเว ปญฺจนฺนํ
มจฺฉริยานํ เอตํ ปติกฺกิฏฺฐํ ๑ ยทิทํ ธมฺมมจฺฉริยนฺติ ฯ
[๒๕๕] ปญฺจนฺนํ ภิกฺขเว มจฺฉริยานํ ปหานาย สมุจฺเฉทาย
พฺรหฺมจริยํ วุสฺสติ กตเมสํ ปญฺจนฺนํ อาวาสมจฺฉริยสฺส ปหานาย
สมุจฺเฉทาย พฺรหฺมจริยํ วุสฺสติ กุลมจฺฉริยสฺส ... ลาภมจฺฉริยสฺส ...
วณฺณมจฺฉริยสฺส ... ธมฺมมจฺฉริยสฺส ปหานาย สมุจฺเฉทาย พฺรหฺมจริยํ
วุสฺสติ อิเมสํ โข ภิกฺขเว ปญฺจนฺนํ มจฺฉริยานํ ปหานาย
สมุจฺเฉทาย พฺรหฺมจริยํ วุสฺสตีติ ฯ
[๒๕๖] ปญฺจ ๒ ภิกฺขเว ธมฺเม อปฺปหาย อภพฺโพ ปฐมํ ฌานํ
อุปสมฺปชฺช วิหริตุํ กตเม ปญฺจ อาวาสมจฺฉริยํ กุลมจฺฉริยํ
ลาภมจฺฉริยํ วณฺณมจฺฉริยํ ธมฺมมจฺฉริยํ อิเม โข ภิกฺขเว ปญฺจ
ธมฺเม อปฺปหาย อภพฺโพ ปฐมํ ฌานํ อุปสมฺปชฺช วิหริตุํ ฯ ปญฺจ ๒
ภิกฺขเว ธมฺเม ปหาย ภพฺโพ ปฐมํ ฌานํ อุปสมฺปชฺช วิหริตุํ
กตเม ปญฺจ อาวาสมจฺฉริยํ กุลมจฺฉริยํ ลาภมจฺฉริยํ วณฺณมจฺฉริยํ
ธมฺมมจฺฉริยํ อิเม โข ภิกฺขเว ปญฺจ ธมฺเม ปหาย ภพฺโพ ปฐมํ
ฌานํ อุปสมฺปชฺช วิหริตุนฺติ ฯ
[๒๕๗] ปญฺจ ๒ ภิกฺขเว ธมฺเม อปฺปหาย อภพฺโพ ทุติยํ
ฌานํ ... ตติยํ ฌานํ ... จตุตฺถํ ฌานํ ... โสตาปตฺติผลํ ...
สกทาคามิผลํ ... อนาคามิผลํ ... อรหตฺตํ ๓ สจฺฉิกาตุํ กตเม ปญฺจ
#๑ ม. ปฏิกฺกุฏฺฐํ ฯ ๒ ม. ยุ. ปญฺจิเม ฯ ๓ โป. อรหตฺตผลํ ฯ ยุ. อรหตฺตปฺผลํ ฯ
