---

[๔๘๗] ปญฺจิมานิ ภิกฺขเว มาตุคามสฺส พลานิ ฯ กตมานิ ปญฺจ ฯ รูปพลํ โภคพลํ ญาติพลํ ปุตฺตพลํ สีลพลํ ฯ

---

[๔๘๘] รูปพเลน จ โข ๑ ภิกฺขเว มาตุคาโม สมนฺนาคโต โหติ น จ โภคพเลน เอวํ โส เตน องฺเคน อปริปูโร โหติ ฯ ยโต จ โข ภิกฺขเว มาตุคาโม รูปพเลน จ สมนฺนาคโต โหติ โภคพเลน จ เอวํ โส เตน องฺเคน ปริปูโร โหติ ฯ รูปพเลน จ โข ภิกฺขเว มาตุคาโม สมนฺนาคโต โหติ โภคพเลน จ น จ ญาติพเลน เอวํ โส เตน องฺเคน อปริปูโร โหติ ฯ ยโต จ โข ภิกฺขเว มาตุคาโม รูปพเลน จ สมนฺนาคโต โหติ โภคพเลน จ ญาติพเลน จ เอวํ โส เตน องฺเคน ปริปูโร โหติ ฯ รูปพเลน จ ภิกฺขเว มาตุคาโม สมนฺนาคโต โหติ โภคพเลน จ ญาติพเลน จ น จ ปุตฺตพเลน เอวํ โส เตน องฺเคน อปริปูโร โหติ ฯ ยโต จ โข ภิกฺขเว มาตุคาโม รูปพเลน จ สมนฺนาคโต โหติ โภคพเลน จ ญาติพเลน จ ปุตฺตพเลน จ เอวํ โส เตน องฺเคน ปริปูโร โหติ ฯ รูปพเลน จ ภิกฺขเว มาตุคาโม สมนฺนาคโต โหติ โภคพเลน จ ญาติพเลน จ ปุตฺตพเลน จ น จ สีลพเลน เอวํ โส เตน องฺเคน อปริปูโร โหติ ฯ ยโต จ โข ภิกฺขเว มาตุคาโม รูปพเลน จ สมนฺนาคโต โหติ โภคพเลน จ ญาติพเลน จ ปุตฺตพเลน จ สีลพเลน จ เอวํ โส เตน องฺเคน ปริปูโร โหติ ฯ อิมานิ #๑ ม. ยุ. โขสทฺโท นตฺถิ ฯ