พระสุตันตปิฎกบาลี: 1/316/461 462 463 464
วินยปิฏเก มหาวิภงฺโค ภาค ๑
[๔๖๑] ปุริโส ภิกฺขุํ ปหิณติ คจฺฉ ภนฺเต อิตฺถนฺนามํ สปริทณฺฑํ
พฺรูหิ โหหิ กิร อิตฺถนฺนามสฺส ภริยา ฉนฺทวาสินี จ โภควาสินี จ
ฉนฺทวาสินี จ ปฏวาสินี จ ฯเปฯ ฉนฺทวาสินี จ มุหุตฺติกา จ
ฉนฺทวาสินี จ ธนกฺกีตา จาติ ปฏิคฺคณฺหาติ วีมํสติ ปจฺจาหรติ
อาปตฺติ สงฺฆาทิเสสสฺส ฯ
พทฺธจกฺกํ ฯ
มูลํ สงฺขิตฺตํ ฯ
[๔๖๒] ปุริโส ภิกฺขุํ ปหิณติ คจฺฉ ภนฺเต อิตฺถนฺนามํ สปริทณฺฑํ
พฺรูหิ โหหิ กิร อิตฺถนฺนามสฺส ภริยา มุหุตฺติกา จ ธนกฺกีตา จ
ฯเปฯ มุหุตฺติกา จ ธชาหฏา จาติ ปฏิคฺคณฺหาติ วีมํสติ ปจฺจาหรติ
อาปตฺติ สงฺฆาทิเสสสฺส ฯ
เอกมูลกํ นิฏฺฐิตํ ฯ
[๔๖๓] ทุมูลกํ ติมูลกํ จตุมูลกํ ปญฺจมูลกํ ฉมูลกํ สตฺตมูลกํ
อฏฺฐมูลกํ นวมูลกํ เอวเมว กาตพฺพํ ฯ
อิทํ ทสมูลกํ ฯ
[๔๖๔] ปุริโส ภิกฺขุํ ปหิณติ คจฺฉ ภนฺเต อิตฺถนฺนามํ สปริทณฺฑํ
พฺรูหิ โหหิ กิร อิตฺถนฺนามสฺส ภริยา ธนกฺกีตา จ ฉนฺทวาสินี จ
โภควาสินี จ ปฏวาสินี จ โอทปตฺตกินี จ โอภตจุมฺพฏา จ
ทาสี จ ภริยา จ กมฺมการี จ ภริยา จ ธชาหฏา จ มุหุตฺติกา
จาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ
