---

[๔๘๖] สปริทณฺฑา ภิกฺขุํ ปหิณติ คจฺฉ ภนฺเต อิตฺถนฺนามํ พฺรูหิ โหมิ อิตฺถนฺนามสฺส ภริยา มุหุตฺติกา จ ธนกฺกีตา จ ฯเปฯ มุหุตฺติกา จ ธชาหฏา จาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ เอกมูลกํ นิฏฺฐิตํ ฯ ทุมูลกาทีนิ เอวเมว กาตพฺพานิ ฯ อิทํ ทสมูลกํ ฯ

---

[๔๘๗] สปริทณฺฑา ภิกฺขุํ ปหิณติ คจฺฉ ภนฺเต อิตฺถนฺนามํ พฺรูหิ โหมิ อิตฺถนฺนามสฺส ภริยา ธนกฺกีตา จ ฉนฺทวาสินี จ โภควาสินี จ ปฏวาสินี จ โอทปตฺตกินี จ โอภตจุมฺพฏา จ ทาสี จ ภริยา จ กมฺมการี จ ภริยา จ ธชาหฏา จ มุหุตฺติกา จาติ ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ สพฺพํ จกฺกเปยฺยาลํ ๑นิฏฺฐิตํ ฯ

---

[๔๘๘] ปฏิคฺคณฺหาติ วีมํสติ ปจฺจาหรติ อาปตฺติ สงฺฆาทิเสสสฺส ฯ ปฏิคฺคณฺหาติ วีมํสติ นปฺปจฺจาหรติ อาปตฺติ ถุลฺลจฺจยสฺส ฯ ปฏิคฺคณฺหาติ น วีมํสติ ปจฺจาหรติ อาปตฺติ ถุลฺลจฺจยสฺส ฯ ปฏิคฺคณฺหาติ น วีมํสติ นปฺปจฺจาหรติ อาปตฺติ ทุกฺกฏสฺส ฯ นปฺปฏิคฺคณฺหาติ วีมํสติ ปจฺจาหรติ อาปตฺติ ถุลฺลจฺจยสฺส ฯ #๑ อิธ จกฺกเปยฺยาลวิธิ เยภุยฺเยน วิสทิโส โหติ ฯ ปตฺถยนฺเตน #เตสุ เตสุ โปตฺถเกสุ โอโลเกตพฺพํ ฯ