พระสุตันตปิฎกบาลี: 1/391/574 575 576 577
วินยปิฏเก มหาวิภงฺโค ภาค ๑
ฯเปฯ สงฺฆกมฺมํ วาติ อาปตฺติ วาจาย วาจาย สงฺฆาทิเสสสฺส ฯ
[๕๗๔] โคตฺตเลโส นาม โคตโม ทิฏฺโฐ โหติ ฯเปฯ
โมคฺคลฺลาโน ทิฏฺโฐ โหติ ฯเปฯ กจฺจายโน ทิฏฺโฐ โหติ ฯเปฯ
วาสิฏฺโฐ ทิฏฺโฐ โหติ ปาราชิกํ ธมฺมํ อชฺฌาปชฺชนฺโต อญฺญํ
วาสิฏฺฐํ ปสฺสิตฺวา โจเทติ วาสิฏฺโฐ มยา ทิฏฺโฐ ปาราชิกํ ธมฺมํ
อชฺฌาปนฺโนสิ อสฺสมโณสิ อสกฺยปุตฺติโยสิ ฯเปฯ สงฺฆกมฺมํ
วาติ อาปตฺติ วาจาย วาจาย สงฺฆาทิเสสสฺส ฯ
[๕๗๕] ลิงฺคเลโส นาม ทีโฆ ทิฏฺโฐ โหติ ฯเปฯ รสฺโส
ทิฏฺโฐ โหติ ฯเปฯ กโณฺห ทิฏฺโฐ โหติ ฯเปฯ โอทาโต
ทิฏฺโฐ โหติ ปาราชิกํ ธมฺมํ อชฺฌาปชฺชนฺโต อญฺญํ โอทาตํ
ปสฺสิตฺวา โจเทติ โอทาโต มยา ทิฏฺโฐ ปาราชิกํ ธมฺมํ
อชฺฌาปนฺโนสิ อสฺสมโณสิ อสกฺยปุตฺติโยสิ ฯเปฯ สงฺฆกมฺมํ
วาติ อาปตฺติ วาจาย วาจาย สงฺฆาทิเสสสฺส ฯ
[๕๗๖] อาปตฺติเลโส นาม ลหุกํ อาปตฺตึ อชฺฌาปชฺชนฺโต
ทิฏฺโฐ โหติ ตญฺเจ ปาราชิเกน ธมฺเมน โจเทติ ทิฏฺโฐ มยา ๑
ปาราชิกํ ธมฺมํ อชฺฌาปนฺโนสิ อสฺสมโณสิ อสกฺยปุตฺติโยสิ ฯเปฯ
สงฺฆกมฺมํ วาติ อาปตฺติ วาจาย วาจาย สงฺฆาทิเสสสฺส ฯ
[๕๗๗] ปตฺตเลโส นาม โลหปตฺตธโร ทิฏฺโฐ โหติ ฯเปฯ
มตฺติกาปตฺตธโร ทิฏฺโฐ โหติ ฯเปฯ สาฏกปตฺตธโร ทิฏฺโฐ โหติ
#๑ ยุโรปิยโปตฺถเก อิทํ ปาฐทฺวยํ น ทิสฺสติ ฯ
